Logo

Cejas por otro blogs made me darse cuenta ese algunos de them estado escrito en Francés , Español , Inglesa , Chino y cualquier esos lenguajes saben o usaban en ladrón país. Entonces Recuerdo Escribía dos Tagalog poema aquí. Así , Penso estaría enfriador escribir un jornal en Cebuano desde no todos Filipinos comprender ella. T__T Cierro my ojos como yo búsqueda por un tema y. . .

BAMMMNN!!!!

Kabalo na ako. Sakto gyud kay atong miaging gabii naa unta koy gusto nga isulat ba unya gaduha-duha pa ko kay bahin man gud to s'ya sa a

kong isa ka amigo. Unya (kabalo na man ka nga

mubukad na pod dayon tong atay sa akong amigo inig ka dungog nga naa koy gisulat nga bahin sa iya.) Mao na nga ako na lang ni gisulat sa Cebuano kay aron dili sya makasabot.

Aron dili sya makapanghambog ba kay sus

kung imo tong dayegon pirti gyung bukara sa atay atong amawa to.

ahahahha!!

So, sakto gyud ni akong idea nga isulat ni sa Cebuano aron dili gyud s'ya makasabot. Pure Tagalog man gud to s'ya. Diri na s'ya sa manila gipanganak ug diri na pod s'ya ning dako. Ang paglaum ra nga iya ning masabtan ay kung mag skwela s'ya ug Cebuano (nga murag imposible) ug kung naay isa sa among mga tropa nga mosulti n'ya nga naa diay koy gisulat bahin niya agig pasalamat sa iyang gibuhat nga ako gyung gi huna-huna nga usa ka dakong kabubut-on.

Atong miaging gabii man gud kay naglibog gyud ko kung unsay akong buhaton kay syempre naanad man gud ko nga kada gabii gyud mga alas otso hangtod sa mga eksaktong alas dose kay mag-internet gyud ko anang mga orasa. Unya atong gabhi-una natunong gyud nga nahutadan kog kwarta (ambot ba nganu wala na koy kwarta ato.) Dayon kamulo ko gahunahuna ako syang nakit-an dayon ako na lang pod syang gipangutana: "Unsa kaha akong himuon karon nga wala na ra gyud koy kwarta unya kabalo na biya ka nga naanad na ko nga magrent kada gabii.

Dili gyud biya to iyang problema kung huna-hunaon pero ambot ba nga naki-share man pod sya sa akong problema. Imbes nga iya kong ingnon nga ambot nimo kay dili man na nako problema. Ato man gung panahuna kay muadto sya sa balya sa iyang uyab. Kung buot gyud hunahunaon wala na gyud sy labot ato. Ako gyung gi-expect nga atong panahuna iya kong tubagon ug binuang ba. Pero wala man nuon. Naks! makabilib kaayo noh?

Ingon dayon sya nga "cge ing ani na lang, basta moabot na gani ug mga alas nuebe unya wala pa gihapon kay nautangan, pagrent na lang kay ako na lay bayad inig abot nako. Mga alas onse y medya moabot na man ko anang orasa gikan sa balay sa akong uyab. Pautangon na lang tika."

YESSSS!!!!

Pirti gyud nakong lipaya. Syempre dili na ko magkalisod ug pangita ug tawo nga mautangan. Dayon sugod ato ning adto na dayon ko sa shop. Nagrent na ako dayon ato. . .

PATAY!!!

Patay alas onse kwarenta y singko na pero wala pa gihapon sya. Unsaon na lang ni nako. Nagsugod na sab kog pamroblema. Alang-alang be kinse minutos na lang unya wala pa gihapon sya. Unsaon na lang nako ni? Ingon sya alas onse y medya kuno muabot sya pero wala diay to. Pirti na nakong balakaa. Unsaon na lang gyud nako ni pagbayad nga wala ra ba koy dala nga kwarta.

Unsaon na lang gyud ni nako?!?

Sugod ato wala na koy laing gibuhat kundi ang mag-ampo intawon. Dayon ako dayong gi-pm (sa YM) ang tag-iya sa shop. Ga padungog-dungog dayon ko nga. Gi kulbaan na ko (aron unta pangutan-on ko niya kung nganu?) pero walay epekto. Wala sya ga reply. Send na pod kog utro ug messages. Wala guhapoy reply. kamatyunon na ko. Tingala ko nganu wala sya ga reply. Ako dayong gilili ang iyang pc kung unsay iyang gibuhat nganung wala sya ga reply. Pagtan-aw nako, mao man diay. . . bantog ra. . . ga dula man diay syag Tantra. Dayon ako syang gipangutana kung online ba sya sa YM (aron unta ako na lang ingnon nga naa koy message niya)

"bret, online ka sa YM"?

"inde. . . nganu man?"

"wala lang"

"usahay man gud kay invisible ra ka. abi nakog online ka karon"

"wala oi kay ga dula kog tantra"

Aircon ang shop pero gatagaktak akong singot. Pirting inita. Pirting iganga. Pirting kulbaa. pirting pangurog kurog sa akong mga kaunuran. Pirting kusuga sa akong ka kulba.

AMBOT! AMBOT! AMBOT!

Nganu kaha? Nganu kaha nga wala pa man akong amigo? Nganung iya mang gi guba iyang promise? haaayyyy pistol!

Nganu man gud nga ing-ani man ka brutal akong paminaw nga dili man ing ana ka dako akong bayranan. Singkwenta pesos ra intawon ni tanan nakong na-rent pero nganung ing ani man? Tungod ba nga naay utang akong igsoun sa ila nga ning abot ug siete mil? Murag ning hunong ang oras atong panahona. Murag makabungol ang kahilom sa tingog sa orasan. Nadunggan nako ang mga tingog sa mga butang nga walay tingog. Ambot pero buang na man tingali ko atong mga panahona. Dili ko ka too nga sa sulod sa kinse minutos mabuang na ko. Ing ani diay ang paminaw. Ing ani diay. Pwede diay mabuang ang tawo sa sulod sa kinse minutos bisag wala syay ka-storya, wala ning timbaya, walay tapad, wala kauban, ug labaw sa tanan walay kwarta nga ikabayad sa gi-rent sa pc sa usa ka internet shop.

Akong gi-log-out ang akong mga internet accounts. Dayon akong gipangclose ang mga internet explorer nga akong giablihan. Wala na koy laing ibuhat kundi ang magtutok sa monitor. Mura na kog tawo nga karon pa nakakita ug monitor. Haaayyyy. . .

Daghang mga panutana ang ga layag-layag sa suba sa akong huna-huna. Dagko kaau ang mga bul-og sa singot nga gianod nga sama sa usa ka gapnod sa suba.

AHA KO MOKUHA UG IKABAYAD?!?

Five minutes na lang alas dose na. Five minutes na lang paminaw nako bitayon na ko sa tag-iya sa shop. Barato ra diay kaayo akong kinabuhi kay sa singkwenta ra man ang hinungdan para bitayon ko. Ing ani na ba gyud ko ka barato?!? Poydi pod tingali nga dili ko bitayon pero mao lagi. Mag map na lang ko sa salog.

Ngek!

Bahala oroyg bitayon ko kaysa mag map sa salog sa shop.

ewww!!! kaaayo.

yaksssss!!!

TOK! TOK! TOK!

Naay nanoktok. Pagtan-aw nako sa purtahan. Si Allan ang nanuktok. Pula ang mata, ga-sinaw ang nawong, Ga ngisi. Bantog ra kay hubog man diay. Pero bisan ing-ana iyang itsura, wala ko nahadlok. Ang akong ka hadlok na ilisdan ug kalipay.

YESSS!!!!!!!

Ning singgit ko sa shop. Tanang tawo ning tan-aw nako nga mura bag ga tan-aw ug usa ka BUANG.(pero sa tinuod lang wala nay laing tawo sa shop kundi silang bret ra)

Pirti gyud nakong lipaya kay dos minutos na lang bitayon na ko pero ning abot si Allan. Pagsulod niya ingaon dayon sya: "yes umabot ata ako ah. Oh two minutes pa." (sabay ngiti)

Pero paminaw nako gatuyok na ang iyang panan-aw

atong panahona kay hubog na lagi to cya ato.

Bilib biya gyud ko niya kay kung ako pa sa iyang lugar. Bahalag magka utang akong amigo basta enjoy sa inuman. Unya nagtext dayon ang iyang babaye nga ingon nga pabalikon daw dayon sya kay gahulat iyang baye didto sa inuman. Ingon si Allan nga ning uli ra daw sya para ihatod ang bayad dayon mubalik ra dayon sya. Dayon imbes nga mubalik na sya. Nagtext na pod iyang baye: "ayaw na lang balik kay nanguli na ang uban diri." Makakonsenya kaayo kay iyang pang gi-una ang akong bayranan diri kaysa sa iyang babaye. Unya ang fact nga hubog na sya tong panahuna makasamot ug ka bilib. Astig gyud ni sya nga tawo. Mao nay bout pasabot sa akong title: El Hombre De Tiempo spanish na sa The Man Of Time.